Un «falsu amigu» ―del francés faux-ami― ye una palabra d’una llingua que se paez a una d’otra llingua, pero con un significáu diferente. Los «falsos amigos» llamámoslos tamién «palabres engañoses», y técnicamente son parónimos interllingüísticos. (Parónimos son palabres d’una mesma llingua que se paecen ente elles; por exemplu, andarica y andarina son dos parónimos del asturianu).
Toles llingües ente sí tienen falsos amigos: l’inglés exit ye salida, non ‘éxitu’; el portugués oficina ye un taller, non una ‘oficina’; n’italianu salire ye blincar, non ‘salir’; etcétera. N’Italia pudi comprobar que los españoles nos restaurantes nun atoten una coles botellines d’aceto ‘vinagre’, qu’interpreten como aceite (n’italianu olio).
Por supuestu, l’asturianu tien palabres engañoses si lu contrastamos con otres llingües de la nuestra rodiada. Cuantayá que me prestaba facer una llista d’estos «falsos amigos» astur-catalanes, de manera que me punxi a ello y saliéronme unos 150. La llista puede allargase.
Nun ye más qu’un xuegu llingüísticu que m’apetez compartir con toes aquelles persones, catalanes / valencianes o asturianes, que disfruten coles palabres. Toi pensando, por casu, nos mios colegues José Enrique Gargallo, romanista de la Universidá de Barcelona qu’aprecia y apriende asturianu, y Claudia Menéndez, romanista de la Universidá d’Uviéu, qu’aprecia y apriende’l catalán. Convídolos, a ellos y a quien quiera facelo, a enanchar la llista con nueves aportaciones o a correxir errores que puedan atopase.
Notes.
Esta llista garra de referencia’l catalán. Les palabres engañoses apaecen en negrina).
Les aportaciones nueves que me faigáis llegar, incorpóroles a la llista col vuestru nome abreviáu. Hasta agora son:
CM = Claudia Menéndez
FY = Frichu Yustas
LS = Leticia Suárez
| CATALÁN | ASTURIANU |
| ACOMBOIAR (CM) | facer un convói |
| llagotejar | acombayar |
| ACOSTAR | averar |
| ajeure, gitar | acostar |
| AMAGAR | esconder |
| amenaçar | amagar |
| AMPOLLA | botella |
| butllofa, ampul·la | ampolla |
| APLEGAR | axuntar, recoyer |
| plegar | plegar |
| ARREU | per toles partes |
| tot seguit | darréu |
| ARRISCAR | arriesgar |
| fer-se de dia | riscar |
| ATAPEIR | apetiguñar, calcar |
| fosquejar, fer-se vespre | atapecer |
| BELLUGAR | mover, aballar |
| aixoplugar | abellugar |
| BESSÓ | ximielgu |
| petó | besu |
| BOLET | cogorda |
| bitllet | boletu |
| BOTIGA | tienda |
| farmàcia, apotecaria | botica |
| BRAGUER | copada, caldar |
| braguer | bragueru |
| BRUT | puercu |
| tosc, groller | brutu |
| BUTXACA | bolsu |
| guardiola | buchaca |
| CADIRA | siella |
| maluc | cadera, cadril |
| CALAMARSA | xarazu, granizu |
| calamars, calamar | calamar |
| CAMA | pierna |
| llit | cama |
| CANSALADA | tocín |
| amanida | ensalada |
| CANTÓ | corneyal, esquina |
| cantell | cantu |
| CAPELLÀ | cura |
| capellà | capellán |
| CARAMELL | carámbanu, llaz |
| caramel | carambelu |
| CARRER | cai, calle |
| sender, viarany | carreru |
| CEBAR | encebollar |
| encebar, engreixar | cebar |
| CEL | cielu |
| gelosia / zel | celu |
| CIVADA | avena |
| ordi | cebada |
| CLAU | llave |
| clau | clau, clavu |
| COLGAR | soterrar, enterrar |
| penjar | colgar |
| COPADA | acorralamientu |
| braguer, mamella | copada |
| COS | cuerpu |
| dallonses | cosu |
| COSÍ | primu |
| dallonses | cosín |
| COSINA | prima |
| coseta | cosina |
| CREU | cruz |
| credo | creu |
| CRIDAR | llamar |
| cridar | gritar |
| CURA | procuru, cuidáu |
| capellà | cura |
| DAU | dadu |
| do, regal | dau |
| DEMANAR | pidir |
| demandar | demandar |
| DÉU | dios |
| dit | deu |
| DIR | dicir |
| anar | dir |
| DOLENT | malu |
| malalt | doliente |
| DONAR | dar |
| donar | donar |
| EMBOLICAR | envolubrar, envolver, enguedeyar |
| enganyar, entabanar | embolicar |
| EMPÈNYER | emburriar |
| empenyorar | empeñar |
| ENCOMANAR (CM) | apegar, contaxar |
| acordar, posar d’acord | encomanar |
| ENFILAR | subir |
| encaminar, endegar; emborratxar | enfilar |
| ESCALA | escalera, subidoria |
| escala | escala |
| ESCOLTAR | escuchar |
| escortar | escoltar |
| ESCOMBRAR | barrer |
| desenrunar | escombriar |
| ESCÓRRER | recudir |
| espantar, fer fugir | escorrer |
| ESPATLLA | costazu |
| esquena | espalda, llombu |
| ESPELMA | vela (d’allumar) |
| cera / semen | espelma |
| ESQUENA | llombu |
| cantonada | esquina |
| ESQUIROL | esguilu |
| esquirol | esquirol, gorrumbu |
| ESTIMAR | querer |
| estimar | estimar |
| ESTOVALLES | mantel |
| eixugamans, tovallola | toballa |
| ESVERAR | espantar, axorizar |
| esbrossar (les vores) | esverar |
| FALÇ | foceta, foz |
| fals | falsu |
| FEU | feudu |
| lleig | feu |
| FLAIRE | golor |
| frare | flaire |
| FOC | fueu |
| focus | focu |
| FOLL | llocu |
| manxa | fuelle |
| FOSC | escuru |
| esquerp | foscu |
| FREGAR | raspiar |
| fregar, netejar | fregar |
| FOLLA | lloca |
| fang | folla |
| FUSTA | madera |
| tenalles | fustia |
| GALLEDA | cubu |
| galeta | galleta |
| GANA | fame |
| ganes | gana |
| GOLFES (FY) | bufarda, desván |
| brètoles | golfes |
| GOT | vasu |
| mica, borrall | gotu |
| GRASSA | gorda |
| greix | grasa |
| GRIPAU | sapu |
| engripat | gripáu |
| GUANYAR | ganar |
| brotar | guañar |
| JOIA | gayola, allegría |
| joia, joiell | xoya |
| JUEU | xudíu |
| joc | xueu, xuegu |
| LLAVOR | grana, simienta |
| tasca, feina | llabor |
| LLAVORS | entós, daquella |
| tasques, feines | llabores |
| LLEU | llixeru, llivianu |
| alegre | lleu |
| LLEVAR | quitar, sacar |
| portar | llevar |
| LLIBRE | llibru |
| lliure | llibre |
| LLOC | llugar |
| boig, foll | llocu |
| LLOGAR | alquilar, arrendar |
| posar, col·locar | allugar |
| LLOM | renaz |
| esquena | llombu |
| LLORO | loru |
| plor | lloru |
| LLOSA | llábana |
| hort, sembrat | llosa |
| LLUÇ | merluza |
| llum | lluz |
| MÀ | mano |
| mare | ma |
| MALUC | cadril |
| dolentet, malaltet | malucu |
| MANAR | mandar |
| rajar, brollar | manar |
| MANCAR | faltar |
| fer mal | mancar |
| MANXA | fuelle |
| taca | mancha |
| MAREJADA | amoriada |
| marejada, maror | marexada |
| MASSA | demasiáu |
| massa | masa |
| MICO | monu |
| mico / escarransit | micu |
| MOIXÓ | páxaru |
| musclo | moxón |
| MULLER | muyer (esposa) |
| dona | muyer |
| MURRI | cuciu |
| trist | murniu |
| MUSCLO | moxón |
| múscul | músculu |
| NET | llimpiu |
| semblant | netu |
| PA | pan |
| per a / pare | pa / pá |
| PANY | pesllera |
| drap | pañu |
| PARLAR | falar |
| xerrar, clacar | parllar |
| PEDAÇ | miendu, remiendu |
| tros | pedazu |
| PEU | pie |
| pet | peu |
| PICA | bañal |
| punta, bec | pica |
| PINTA | peñe |
| taca / tirat | pinta |
| PIS | pisu |
| pipí | pis |
| PIT | pechu |
| pollastre / xiulet / cigarreta | pitu |
| PLEGAR | acabar |
| plegar | plegar |
| POLL | pioyu |
| pollastre | pollu |
| POR | mieu |
| porus | poru |
| POSAR | poner |
| deixar en terra | posar |
| POT | bote (cacíu) |
| olla | pote |
| POTA | pata |
| olla | pota |
| PREGONA | fonda (axetivu) |
| llúcera; fondalada de mar | pregona |
| PRENDRE | garrar, coyer |
| engegar / calar foc | prender |
| PRESTAR | emprestar |
| agradar | prestar |
| PRIM | delgáu |
| cosí | primu |
| PRUNA | ñisu |
| aranyó | prunu, andrín |
| PUDENT | fediondu |
| acabalat | pudiente |
| PUJAR | subir |
| empènyer / subhastar | puxar / puyar |
| RAÏM | uva |
| carràs, penjoll | recimu |
| RENDIR | rentar |
| retre | rindir |
| RENTAR | llavar |
| rendir | rentar |
| RISC | riesgu |
| trenc d’alba | riscu, riscar |
| RONYÓ | reñón |
| rondinaire | roñón |
| SABRE | sable |
| sorra | sable, arena |
| SAMARRETA | camiseta |
| pellissa petita | zamarrina |
| SEU | sede (sitiu) |
| congost, gorja | seu, sedu |
| SORTIR | salir |
| brollar, esquitxar | surtir |
| SUC | zume, zusmiu |
| cavalló, turó | sucu |
| TALLAR | tayar, cortar |
| tallar | tallar |
| TASCA | xera |
| restes de trillar | tasca |
| TAULA | mesa |
| post | tabla |
| TIÓ | maderu, tizu |
| oncle | tíu |
| TIP | fartu |
| tipus | tipu |
| TOMBAR | voltiar, torcer |
| tombar | tumbar |
| TOU | blandiu |
| tot | tou |
| TRAURE, treure | quitar, sacar |
| portar, dur | traer, trayer |
| TRIAR | escoyer |
| trepitjar | triar |
| TRUITA | tortiella / trucha |
| truita | truita (trucha) |
| ULLERES | lentes, gafes |
| ulleres | goyeres |
| VAGA | fuelga |
| mar de fons / gandula | vaga |
| VAGAR | abeyar, analayar |
| tenir temps | vagar |
| VAS | cacíu |
| got | vasu |
| VESSAR | arramar |
| fer un petó | besar |
| VINE (LS) | ven |
| vaig venir; he vingut | vini |
| XISCAR | escorteyar |
| esquitxar | chiscar |
El Miradoriu | Ramón d'Andrés 